Dari kocik den dah donga lagu nih. Pastu dah lamo tak donga. Baghu bulan lopeh den tejumpo lak lagu ni kat Youtube. Memang best la lagu ni. Kelaka pon ado. Lamo dah mencaghik eh. Ingek balik maso kocik-kocik selalu nyanyi lagu ni kat sekolah ngan kengkawan. Maso tu dah ado dah kat TB cito Ujang ni. Tu yang sakan yo nyanyi eh tuh.Pado sapo-sapo yang nak lagu nih bleh la donga atau donlod la toghush dari Youtube. Sonang cito. Klik ajo kat sini ha. Den pun nak siapkan lirik eh kot koghang nak samo-samo nyanyi la. Yang bukan oghang Nogori tu, sambil-sambil tu bleh la belaja cakap Nogori. Apo yang boleh den kato an lagu ni memang kelaka. Video eh pun kelaka.Tapi yang kat Youtube tu ado salah skit dio punyo lirik. Yang den tulih ni yang boto eh yo. kali ni den tak kasi tojomahan eh. Cumo den kasi pekataan yang kono ditojomah an ajo. Inilah dio lirik eh:
Poning-poning Eh Kepalo Den (Ally Noor @ Ujang)
Poning-poning eh kepalo den (palo den)
Oh Milah...oh Milah
Sakit-sakit eh dado den (dado den)
oh Milah..oh milah
Sakit eh dado
paneh ghaso eh badan
sakit semuo sakit ghaso nak domam.
Poning-poning eh kepalo den (kepalo den)
Oh Milah...oh Milah
Sakit-sakit eh dado den (dado den)
oh Milah..oh milah
Sakit eh dado
patah selero makan
kono selemo sakit ghaso nak domam.
Ekau den pujo ekau den cinto dah lamo
orang pun tau
tapi semuo sengajo
eden diumpek eden dikoji kek orang
poning den poning
poning den memikir an
Milah...Milah....
poning = pening
palo = kepala
paneh = panas
dado = dada
domam = demam
selemo = selsema
pujo = puja
sengajo = sengaja
kek = oleh/ di
Lopeh ni nti, kok den ado maso den aja koghang penggunoan bahaso nogori ni, kigho macam koleh tatabahso bahasonogori la. Iyo....Jumpo lai. Se nak poi makan nasi ngan samba belacan ni. Memang mantap.........
